Kain nang Kain? Baka Binge-eating disorder na yan!

 


Kain nang Kain? Baka Binge-eating disorder na yan!
Payo ni Ourlass Tantengco, Registered Nutritionist-Dietitian

Isa itong disorder kung saan madalas na kumakain ng sobrang daming pagkain ang isang tao at hindi nito mapigilan ang sarili sa pagkain.

Karamihan ng mga taong may binge-eating disorder ay overweight o obese ngunit mayroon din naman na may normal na timbang. Ang mga behavioral at emotional na sintomas at senyales ng sakit na ito ay:

1. Pagkain ng sobrang daming pagkain

2. Hindi makontrol ang sarili sa pagkain

3. Kumakain pa rin kahit busog na o hindi naman gutom

4. Mabilis na pagkain

5. Kain ng kain hanggang sa sobrang sakit na ng tiyan sa busog

6. Mag-isang kumakain at itinatago ito sa iba

7. Nakakaranas ng depression, galit at hiya dahil sa pagkain ng madami

8. Laging sumusubok mag-diet pero hindi pumapayat

Kung mayroon ka ng mga sintomas ng binge-eating disorder, kumonsulta sa iyong doktor. Kung ayaw mong pumunta sa doktor, kausapin ang taong pinagkakatiwalaan mo tungkol sa iyong pinagdadaanan. Isang kaibigan, mahal sa buhay, teacher o faith leader ay makakatulong sa iyo upang maalis ang iyong binge eating disorder.

Hindi pa alam ang tiyak na dahilan ng binge-eating disorder. Ngunit may kontribusyon ang genetics, biological factors, long-term dieting at psychological issues sa pagkakaroon ng sakit na ito. Ang mga taong may psychological disorders tulad ng depression, bipolar disorder, anxiety at substance use disorders ay may mas mataas na posibilidad na magkaroon ng binge-eating disorder.

Comments

Post a Comment

Popular posts from this blog

Mga Tirang Pagkain, Wag Paabutin ng Higit sa Apat na Araw sa Ref!

Image
Mga Tirang Pagkain, Wag Paabutin ng Higit  sa  Apat na Araw sa Ref! Payo ni Ourlass Tantengco, Registered Nutritionist-Dietitian Ang mga tirang pagkain ay maaari lamang iimbak sa refrigerator sa loob ng tatlo hanggang apat na araw. Siguraduhin na kainin ang mga ito agad at huwag paabutin ng matagal sa ref. Matapos ang apat na araw na nakalagay sa ref, mas mataas na ang posibilidad ng food poisoning kapag kinain ito. Kung alam mong hindi mo makakain ang iyong tirang pagkain sa loob ng apat na araw, ilagay ito agad sa freezer upang mas tumagal ang shelf life nito. Ang food poisoning ay nakukuha mula sa mga bacteria sa kontaminadong pagkain. Madalas ay hindi pansin ang pagbabago sa lasa, amoy o hitsura ng pagkain kapag kontaminado ito ng bacteria kaya delikadong kainin ang mga pagkain na matagal na nakalagay lang sa ref. Mas mabuting itapon na ito kung hindi ka sigurado kung panis na o hindi. Madaling maiiwasan ang mga kaso ng food poisoning basta tama ang iyong food handling. Aga
Read more

Kumain ng Isda na Mayaman sa Omega 3 Fatty Acids Para Iwas Sakit sa Puso

Image
  Kumain ng Isda na Mayaman sa Omega 3 Fatty Acids Para Iwas Sakit sa Puso Payo ni Ourlass Tantengco, Registered Nutritionist-Dietitian Ayon sa American Heart Association, ang pagkain ng mga isdang mayaman sa omega-3 fatty acids ng dalawang beses sa isang linggo o higit pa ay makakatulong na pababain ang posibilidad ng pagkakaroon ng sakit sa puso partikular na ang cardiac arrest. Ang omega 3 fatty acids ay unsaturated fatty acid na tumutulong na maiwasan ang inflammation sa ating katawan. Ang inflammation ay maaaring makasira sa ating mga ugat na magdudulot ng sakit sa puso. Pinapababa ng omega 3 ang triglycerides, blood pressure, blood clotting, iniiwasan din nito ang stroke, heart failure, irregular heartbeats and nakakapagpatalas ng pag-iisip ng mga bata. Nakakatulong din ang omega 3 na maiwasan ang depression, dementia at arthritis. Ang mga matatabang isda tulad ng salmon, herring, sardinas at tuna ang may pinakamataas na omega 3 content. Ang mga matatanda ay maaring kumain
Read more

Nutrition Tips Para sa mga Sumasailalim sa Dialysis

Image
Nutrition Tips Para sa mga Sumasailalim sa Dialysis Payo ni Ourlass Tantengco, Registered Nutritionist-Dietitian Ang Chronic Kidney Disease ay ang unti unting pagkasira ng ating mga bato at maaaring mauwi sa tuluyang pagkasira nito. Ang ating mga bato ang responsible sa pagsala ng mga dumi at ang pagbabalanse ng water fluids sa ating katawan. Ang pangunahing layunin sa mga taong may Chronic Kidney Disease ay ang mapabagal ang paglala ng pagkasira ng bato at mapigilan ang iba pang komplikasyon. Mahalaga ang pagbibigay ng tamang pagkain sa mga may CKD upang maiwasan ang mabilis na pagkasira ng ating bato, pagkakaroon ng ibang komplikasyon at sobrang pag-function ng bato upang salain ng mga dumi sa ating katawan. Kinakailangan na sapat ang dami ng pagkain upang mapanatili ang tamang timbang at maiwasan ang wasting o labis na pagpayat. Ang malaking bahagi ng pagkain ay magmumula sa complex carbohydrates tulad ng peas, beans, whole grains at gulay. Iwasan ang sobrang dami o sobran
Read more