Mabilis na Pagpapayat, Masama Para sa Kalusugan

Mabilis na Pagpapayat, Masama Para sa Kalusugan
Payo ni Ourlass Tantengco, Registered Nutritionist-Dietitian

Gusto nating magbawas ng timbang pero kalimitan tinatamad tayo na mag-ehersisyo at mas pinipili natin ang mga pagkaing instant at hindi na nangangailangan pa ng matagalang lutuan. Gusto natin ng mabilisan na resulta. Hindi kailangang madaliin ang pagbabawas ng timbang, ito ay hindi mabilisang proseso. Ang katanggap tanggap na pagbawas ng timbang ay dalawa hanggang apat na kilo kada buwan. Maaari din na 10% ng kabuuang timbang ang mabawas sa loob ng 6 na buwan. Anuman na sobra dito ay hindi maganda para sa iyong kalusugan.

Kung sobra ang timbang, kahit maliit na pagbawas sa timbang ay mahalaga lalo na at makatutulong ito na makontrol ang diabetes, mabawasan ang panganib na dulot ng heart disease sa pamamagitan ng pagpapababa ng blood pressure at blood cholesterol.

Kapag malaki ang pagbawas san timbang sa loob ng maikling panahon, may tinatawag tayong yo-yo dieting o yo-yo effect, kung saan sa umpisa ay makikitaan natin ng resulta ang pagababawas ng timbang pero hindi ito pangmatagalang panahon, dahil maaaring bumalik o mag-uumpisa muling madagdagan ang iyong timbang at maaaring mas mataas pa sa dati mong timbang.

Upang mas maging epektibo ang pagbabawas, pinaghalong tamang pagkain at pag eehersisyo ang kailangan. Kung ayaw nating bawasan ang ating pagkain, maaaring dagdagan natin ang pagkikilos o pageehersisyo. Maaari din na bawasan nang kaunti ang kinakain kung ayaw nating mag-ehersisyo upang maiwasan ang pagdami ng taba sa ating katawan.

Comments

Post a Comment

Popular posts from this blog

Mga Tirang Pagkain, Wag Paabutin ng Higit sa Apat na Araw sa Ref!

Image
Mga Tirang Pagkain, Wag Paabutin ng Higit  sa  Apat na Araw sa Ref! Payo ni Ourlass Tantengco, Registered Nutritionist-Dietitian Ang mga tirang pagkain ay maaari lamang iimbak sa refrigerator sa loob ng tatlo hanggang apat na araw. Siguraduhin na kainin ang mga ito agad at huwag paabutin ng matagal sa ref. Matapos ang apat na araw na nakalagay sa ref, mas mataas na ang posibilidad ng food poisoning kapag kinain ito. Kung alam mong hindi mo makakain ang iyong tirang pagkain sa loob ng apat na araw, ilagay ito agad sa freezer upang mas tumagal ang shelf life nito. Ang food poisoning ay nakukuha mula sa mga bacteria sa kontaminadong pagkain. Madalas ay hindi pansin ang pagbabago sa lasa, amoy o hitsura ng pagkain kapag kontaminado ito ng bacteria kaya delikadong kainin ang mga pagkain na matagal na nakalagay lang sa ref. Mas mabuting itapon na ito kung hindi ka sigurado kung panis na o hindi. Madaling maiiwasan ang mga kaso ng food poisoning basta tama ang iyong food handling. Aga
Read more

Kumain ng Isda na Mayaman sa Omega 3 Fatty Acids Para Iwas Sakit sa Puso

Image
  Kumain ng Isda na Mayaman sa Omega 3 Fatty Acids Para Iwas Sakit sa Puso Payo ni Ourlass Tantengco, Registered Nutritionist-Dietitian Ayon sa American Heart Association, ang pagkain ng mga isdang mayaman sa omega-3 fatty acids ng dalawang beses sa isang linggo o higit pa ay makakatulong na pababain ang posibilidad ng pagkakaroon ng sakit sa puso partikular na ang cardiac arrest. Ang omega 3 fatty acids ay unsaturated fatty acid na tumutulong na maiwasan ang inflammation sa ating katawan. Ang inflammation ay maaaring makasira sa ating mga ugat na magdudulot ng sakit sa puso. Pinapababa ng omega 3 ang triglycerides, blood pressure, blood clotting, iniiwasan din nito ang stroke, heart failure, irregular heartbeats and nakakapagpatalas ng pag-iisip ng mga bata. Nakakatulong din ang omega 3 na maiwasan ang depression, dementia at arthritis. Ang mga matatabang isda tulad ng salmon, herring, sardinas at tuna ang may pinakamataas na omega 3 content. Ang mga matatanda ay maaring kumain
Read more

Nutrition Tips Para sa mga Sumasailalim sa Dialysis

Image
Nutrition Tips Para sa mga Sumasailalim sa Dialysis Payo ni Ourlass Tantengco, Registered Nutritionist-Dietitian Ang Chronic Kidney Disease ay ang unti unting pagkasira ng ating mga bato at maaaring mauwi sa tuluyang pagkasira nito. Ang ating mga bato ang responsible sa pagsala ng mga dumi at ang pagbabalanse ng water fluids sa ating katawan. Ang pangunahing layunin sa mga taong may Chronic Kidney Disease ay ang mapabagal ang paglala ng pagkasira ng bato at mapigilan ang iba pang komplikasyon. Mahalaga ang pagbibigay ng tamang pagkain sa mga may CKD upang maiwasan ang mabilis na pagkasira ng ating bato, pagkakaroon ng ibang komplikasyon at sobrang pag-function ng bato upang salain ng mga dumi sa ating katawan. Kinakailangan na sapat ang dami ng pagkain upang mapanatili ang tamang timbang at maiwasan ang wasting o labis na pagpayat. Ang malaking bahagi ng pagkain ay magmumula sa complex carbohydrates tulad ng peas, beans, whole grains at gulay. Iwasan ang sobrang dami o sobran
Read more